Davao City – Gikalipay ni Davao City Overland Transport Terminal (DCOTT) Manager Aisa Usop ang paglusad og public service nga ‘Ma. Corrina Canoy Feeding Program’ subay sa 11th Years of Service sa RMN Foundation Inc.
Matod ni Yusop, mao kini ang labing unang higayon nga aduna kini gi-aprobahan nga serbisyo publiko sulod sa terminal diin ang drivers, porters, ug mga pasahero sa terminal ang nahimong benepisyaryo sa libreng gupit, libreng masahe, gift packs, ug pagkaon nga gipang-apod apod karong adlawa, September 27, 2023.
Partner sa RMN Foundation sa paglusad sa maong aktibidad dinhi sa Davao City ang ACS Manufacturing Corporation ingon man Pherms Chicken and Unlimited Rice, ug Lamdag Blind Massage.
Gipangunahan sab nila DXDC RMN Davao Station Manager Pastor Leo Daugdaug ug iFM Davao Station Manager Roberto A. Ruiz ang programa uban sab ang entero pwersa sa RMN Davao.
RadyoMaN Joel Viray
Facebook Comments
