Ivisan, Capiz- Arestado ang duha ka mag-tiyo matapos nga nagmaoy sa binaylehan kag nagbato pa sa mga katapo sang kapulisan sa Brgy. Ilaya-Ivisan, Ivisan Capiz ala 1:30 sang kaaganhon.
Magapangatubang sang nagakaigo nga kaso ang suspek nga si Juneric Launio y Dandoy, 38-anyos sang Santa Cruz, Ivisan matapos nga ginmulay kag gintuyo nga bun-on sang kutsilyo ang katapo sang pulis.
Samtang kadungan man nga gin-arestar ang gumangkon sini nga si Nikki Cartujano y Launio, 28-anyos sang nasambitan nga lugar.
Base sa imbestigasyon sang mga kapulisan, nagtuga sang gamo ang duha ka hubog nga mga suspek gani nga ginbadlong sang mga tanod kag mga otoridad.
Apang sang pagbalik sang mga ini sakay sa motorsiklo, ginkomprontar nila ang mga kapulisan kag gintuyo pa nga bun-on sa PO3 Estonina gani nga insigida ang mga ini ginpangdakop.
Kaso nga paglapas sa Batas Pambansa Bilang 6, direct assault, resistance and disobedience in agent of authority ang amo nga mga persona.
