Read: Psalm 119:71-72
Matud pa sa salmista nga si haring David, mas maayo pa daw alang kaniya ang makasinati’g mga pag-antos aron lamang mahibaw-an nya ang kabubut-on sa Dios. Para sa labing gamhanang hari sa Israel niadtong panahona, mas bililhon pa alang kaniya ang Pulong sa Ginoo kay sa bahandi niining kalibutan.
Nahimong maalamong lider si haring David human sa mga paglutos nga iyang naagian una siya nakalingkod sa trono. Ang mga katuigan gikan sa iyang kadaugan batok sa higanteng si goliath hangtud na sa iyang paglingkod sa trono ang matawag nga “physically demanding” ug “emotionally draining” – naghimo ka na’g maayo para sa gingharian nga imong gialagarang hari, ikaw pay nahimong dautan, lutuson ka pa ug ipalikidar.
Pero kining tanan gipasalamatan ni haring David. Siya naka-amgo nga ang iyang mga pag-antos maoy nagtudlo kaniya nga magsalig sa Ginoo ug nag-andam kaniya sa tanan niyang gikinahanglan aron mahimong epektibong lider sa Israel.
Basin kanang imong mga pag-antos karon maoy pag-preparar lamang sa Ginoo alang sa mas taas pa nga oportunidad nga giandam Niya para kanimo.
