Davao City – Na-obserbahan sa Department of Education 11 (DEPED-XI) nga wala nay Good Manners and Right Conduct (GMRC) kun maayong pamatasan ang mga batan-on karon itandi sa nakalabay’ng tulo ka dekada.
Giingon ni DEPED XI Spokesperson Jenielito ‘Dodong’ Atillo nga daku na gyod og kalainan ang batasan sa mga batan-on karon kung ikumpara ang mga kabataan nga natawo gikan dekada ‘70.
Sagad sa mga batan-on karon pasaway kun badlungon na kaayo sa ilang mga ginikanan gawas nga wala na sa’y pagpakabana sa atong mga katigulangan.
Segun sa kanhing magsisibya, ang transpormasyon sa kinaiya sa bag-ong henerasyon nagpanukad sa pagpanudlo ug sa disiplina sa mga ginikanan mismo.
Gihingusgan ni Atillo nga dili lang responsibilidad sa DEPED ug sa tulonghaan ang pagsilsil sa maayong pamatasan sa mga kabataan apan sa mga ginikanan mismo.
Nanawagan ang opisyal sa mga ginikanan nga kung mahimo susihon ang ilang dinad-an ug ma-tang sa disiplina nga gipahamtang sa ilang mga anak.
Dako man gud ang puhoran nga kun unsa ang batasan sa bata hayan nagsumikad kini sa sulod mismo sa ilang panimay.
Dugang ani, ang mga bata nga naka-adaptar sa kinaiya sulod sa panimay hayan dako ang puro-han nga dili na kini sayon usabon gamit ang GMRC curriculum sa eskwelahan.
RadyoMaN Joel Viray
