Davao City – Mamahimo nang mabinantayon ang kapulisan sa subling pagpatuman sa war on drugs pinaagi sa ‘Tokhang’ (Toktok-Hangyo) ug ‘Oplan Double Barrel’ aron ma-tono ug wala na unyay sami sa ilang himoong mga operasyon aron malikayan ang giingong ‘extra-judicial killings’ (EJKs).
Sumala ni Philippine Drug Enforcement Agency (PDEA-XI) acting director retired police Antonio “Tony” Rivera, kinahanglang magbantay na ang kapolisan aron malikayan ang mga dautang pagtoo kun impresyon sa uban sa resulta sa subling pagpatuman sa ‘Tokhang’.
Si Rivera nagtoo nga niining subling pagpatuman sa war on drugs, aduna nay mga safety measures nga ginahimo ang kapulisan diin usa na niini ang pagsul-ob sa mga ‘body cameras’ ug uban pa aron mamahimong hapsay ug walay binuang sa ilusad nga mga operasyon.
Niining pagbalik sa ‘Tokhang,’ malaumon usab ang PDEA nga daghan na usab ang maaresto apil na niini ang giingong mga dagkong nagpaluyo sa operasyon sa gidiling droga sa nasud.
RadyoMaN Bernard Pantallon
