ILOILO CITY – Nagapangamuyo kag nagalaum si Mayor Jed Patrick Mabilog nga makita man ni President Rodrigo Duterte ang kadalag-an sang syudad sang Iloilo.
Suno sa alkalde kuntani mamitlang man ini sang presidente. Subong man gin-ako ni Mabilog nga ginapaabot man niya ang mas malain nga matabu sa SONA sang presidente.
Ginpahayag sang alkalde nga magapadayun man sa gihapon sang paghimakas ang syudad. Pahayag sang alkalde nga ang isyu na lamang sang illegal nga droga ang nabilin.
Ini bangud makita naman ang kauswagan sang syudad.
Pasalig sang alkalde handa man ang syudad magsuporta sa mga programa sang administrasyon ni President Duterte.
Matandaan nga makapila man namitlang ang ngalan ni Mabilog sa isyu sang illegal drugs kag makapila na gintawag nga shabulized kag bedrock of illegal drugs ang Iloilo sa pihak sang mga paghimakas sang gobyerno kontra sa illegal nga droga.
Tags: Visayas, Iloilo, Iloilo City, RMN, RMN Iloilo, Kasamang Magie
