Davao City – Adunay mas substansyal nga konsiderasyon diha sa kulturang Pilipino diin mas gihatagan og igong gibug-aton ang pagpahiluna sa patayng lawas pinaagi sa tradisyunal nga paglubong inay nga pinaagi sa modernong pagsunog kun kining prosesong cremation.
Kini maoy gibarugan ni Ateneo de Davao University (AdDU) assistant professor of philosophy Dr. Christopher Ryan Maboloc sa interbyu kaniya sa tulumanong ‘Straight to the Point’.
“Majority sa Pilipino mopili sa tradisyunal na pamaagi kay mao kini ilang naandan ug diha sa ilang ‘affective sentiments’, naa gyo’y kabug-aton (ang) atong kultura ug tinuhoan in terms sa lawas sa tawo nga mopanaw na,” segun ni Maboloc.
Sumala sa propesor, abli ang simbahan kabahin sa cremation gumikan aduna kitay ‘freedom of conscience’ ug ‘tolerance’ kabahin sa choices sa pamilyang Pilipino kun unsaon pag-dispose ang cadaver sa ilang mga minahal sa kinabuhi.
“Dili pa ana kadako ang acceptance sa cremation in the immediate future,” pangagpas ni Maboloc.
Dugang sa academician nga 50% ang populasyon sa batan-on sa entero nasud diin dili usab kalimod nga ang hut-ong sa mga pre-mellenials nagtamud gihapon sa mga tinohoan ug tradisyon.
RadyoMaN Jason Amisola
