Davao City – “More than death, it (Todos Los Santos) is actually a celebration of life.”
Kini maoy pamahayag ni Ateneo de Davao University (ADDU) assistant professor of philosophy Dr. Christopher Ryan Maboloc atol sa interbyu kaniya sa tulumanong ‘Straight to the Point’.
Segun ni Maboloc, ang paghinumdom sa mga Pinoy sa mga mipanaw na nagapasabot nga ginahatagan nila og igong bili ang kinabuhi sa tawo diin dako ang kalambigitan niini aron mamahimong mahinungdanon ang kinabuhi nila dinhi sa kalibutan.
Gisaysay sa propesor nga ang pagpadayag sa katawhan ngadto sa ilang mga minahal ginahimo na usab pinaagi sa social media bisan ang uban aduna nay ‘superficiality’.
Dugang ni Maboloc, ang solidaridad kun panaghiusa sa usa ka pamilyang Pilipino nahimong tradisyun matag ‘Kalag-Kalag’ tungod mao kini ang nagahatag og panaghiusa bisan adunay panagbingkil sa pamilya sa ngalan sa pagrespeto sa mga mipanaw na.
RadyoMaN Jason Amisola
