Davao City- Tumong sa pagdoble sa budget alang sa Pasko Fiesta dinhi sa syudad karong tuig 2017 mao ang mahimong mabungahon ug magmalipayon ang selebrasyon sa mga dabawenyo sa pasko.
Sumala ni Davao City Mayor Inday Sara Duterte-Carpio, gisulti niini nga doble ang budget karon diin 17 million ang gitagana gikan sa 9 million pesos sa milabayng tuig alang sa mga nakalinya nga aktibidad karon lakip na diha ang premyo sa mga pa-contest sa pasko diin dunay gi-andam nga 22 events ang lokal nga gobyerno.
Matud pa, kapin 4 million ang gitagana sa papremyo samtang 12 million sa lain pang gastuhanan alang sa maong kalihokan.
Dugang niini, giklaro usab sa alkakde nga ang 17 million pesos nga budget gikan mismo sa Davao City Government.
Karong umaabot nga Disyembre 1, gikatakdang himuon ang opening ceremony sa Pasko Fiesta 2017 Rizal Park ning syudad diin ila usab pasigahon ang 40 ft. Christmas tree sa nasangpit nga parke.
RadyoMaN Renz Barbarona
