Davao City – Gikumpirma sa Local Government Unit (LGU) Maco nga anaa sa 93 ang kumpirmadong patay sa landslide sa Barangay Masara, Maco, Davao de Oro.
Sa interview sa DXDC RMN Davao kang Jiesyl Mae Tan, Public Information Officer sa LGU Maco, iyahang gibutyag nga kini ang updated ug verified nga ihap sa casualties.
Matud ni Tan nga sa 93, 79 niini ang na-identify ug napahilona na sa ilang mga pamilya samtang 14 usab unidentified ug upat ang na-retrieve nga body parts.
Sa pagkakaron, anaa pa sa walo ka indibidwal ang kumpirmadong missing, rason nga nagpadayon gihapon ang gihimong search and retrieval operations sa walo ka indibidwal nga reported missing.
Matud ni Engineer Ariel Capoy, Incident Commander, target nila nga mahuman ang search and retrieval operations sa Sabado, Pebrero 24, 2024.
RadyoMaN Kirby Manzon
Facebook Comments
