![](https://i0.wp.com/rmn.ph/wp-content/uploads/2023/05/1-1.jpg?resize=696%2C392&ssl=1)
Niyanig ng magnitude 5.1 na lindol ang bayan ng Maconacon, Isabela, Linggo ng gabi.
Ayon sa Phivolcs, may lalim na 31 kilometro ang lindol na yumanig alas-7:36 ng gabi at naramdaman sa mga karatig lalawigan.
Naitala ang Intensity V sa Enrile, Cagayan at Intensity IV sa Tuguegarao City.
Instrumental intensity naman ang naitala sa Gonzaga, Cagayan; Intensity II sa Ilagan, Isabela; Tabuk, Kalinga at Madella, Quirino.
Intensity I ang naramdaman sa Casiguran at Baler, Aurora; Laoag City, Pasuquin at Batac sa Ilocos Norte at Santiago City sa Isabela.
Wala namang naitalang pinsala pero asahan ang aftershocks ayon sa Phivolcs.
Nagkaroon na ng aftershocks kaninang 7:41 pm na may lakas na magnitude 2.2 at magnitude 2,9 naman kaninang 7:43 pm.
Facebook Comments