Madamo nga pasilidad itukod sa banwa sang Surallah, Lgu handa nga magprovide sang area.

Handa ang local government unit sang Surallah suno kay Mayor Antonio Bendita nga batunon ang mga proyekto nga ginahatag sa ila sang Provincial Government tungod daku ini nga bulig para sa katawhan sang banwa kag probinsya.
May-angot sini ginpasiguro ni Mayor Bendita nga magprovide sang isa ka ektarya nga lupa ang lgu para sa ginaduso nga pagtukod sang district jail.
Suno sa alkalde lakip man sa ginaplano nga itukod sa banwa sang Surallah ang drug rehab, dog impounding facility, sports center kag iban pa.
Ginkumpirmar man ni Mayor Bendita nga sa ila man nga banwa igatukod ang bag-o nga opisina sang South Cotabato Division Office tungod ginapahalin na suno pa ang talatapan sa syudad sang Koronadal.
Bangud sini gamiton nila ang 3 milyones ka pesos nga performance challenge fund sa SGLG sa pagpasemento sang kalsada padulong sa Purok Sison Elementary School sa diin ibutang ang bag-o nga opisina sang Dep. Ed. South Cotabato.