BACOLOD CITY – Nakapalagyo sa mga utoridad ang ginakabig High Value Target (HVT) sang PNP sa illegal drugs sa ginpatigayon nga raid sini gid lamang nga kaagahon Sitio Sibucao, Brgy. Banago, Bacolod City.
Nangin madanlog gihapon ang HVT nga si Ramy Poja matapos nga nakapalagyo ini sa ginpatigayon nga combined drug raid sang mga katapo sang City Drug Enforcement Unit (CDEU) sang Bacolod City Police Office, Regional Intelligence Unit (RIU) kag PDEA pasado las 5 sini gid lamang nga kaagahon.
Ginpahayag nga sa pagsulod sang mga utoridad, napuwag ang mga pumuluyo kag ang iban pa nga subject sang raid.
Si Poja ang ginsiling amu ang naghaboy sang granada sa mga operatiba apang wala ini nakalupok bangud nga wala nakuhaan sang safety pin bangud sang posible pagdali-dali sang suspek.
