MADUGAY NA NGA ATRASO | Isa ka persona sa Brgy Piña Maayon, ginbuno sang kaupod sini sa pag-inom!

907

Maayon, Capiz- Pilason ang 31-anyos nga persona matapos ini ang nabun-an sa Brgy. Piña, Maayon, Capiz sang mismo kaupdanan sini sa pag-inom.

Ginkilala ang biktima kay Jacke Dellava y Diestro nga nag-angkon sang pilas sa iya nawala nga dughan.

Samtang nadakpan naman sang mga otoridad ang suspek nga nagbuno sa iya nga ginkilala kay Jecel Dellava y Daliva nga residente man sang amu nga lugar.

Suno sa imbestigasyon sang kapulisan, ang madugay nga indi paghangpanay sa tunga sang mga ini amu ang rason sang insidente.
Ginasiling nga bangud sa tuman nga kahulogbon, ginkumprontar sang suspek nga si Jecel Dellava ang biktima angut sa ginhimo sini nga pagluok sa iya iloy kag pagsumbag sa iya manghod pila ka tuig na ang nakaligad.
Diri labi pa nga nagluntad ang masingki nga baylohanay nila sang malain nga tinaga nga ginsundan sang paggabot sang suspek sang kutsilyo kag binuno ang biktima. Sa subong padayon pa nga ginabulong sa Bailan District Hospital ang biktima nga si Jacke Dellava.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers