Ta esta ara admitido na un privado ospital el un maestro despues coneste sopla de tirro el un unidentificao persona abordo na un SUV pasada alas sais anoche na Villa Maria Drive, Estrada Street, Barangay Tetuan. Conel biktima ya puede identifica como si Garry Mohammad, 24 anios el edad, soltero, un maestro, nativo de Brgy. Patikul, Lamitan City, Basilan y presentamente ta esta na Tetuan. Durante el investigacion del PS6 Tetuan na mismo lugar del incidente, asegun na investigador del kaso, el biktima ya sustene cuatro tupada de bala del calibre 45 pistola na diferentes parte del cuerpo donde enseguidas coneste ya lleva corre na ospital para el curada medical. #iFMMusicAndNews #Basic
Facebook Comments
