Report ni: Jennifer Palomo Debaja
Missing halin pa sang Nobyembre 14, 2018 si Romel Silloriquez Panagdato, 40 anyos kag tumandok sang Pototan, Iloilo. Isa ka maestro si Romel sa Pasay West High School sa Pasay City.
Suno sa utod sini nga si Rolina Panagdato Canchela, ulihi nga nakit-an ang iya magulang sang Nov 13, 2018 nga nagtudlo pa sa eskwelahan apang wala na makapauli halin sang Nob. 14, 2018 kag indi naman makuntak ang iya cellphone.
Base sa kaingud sang maestro, mga takna alas 11:00 sang gab-i sang Nobyembre 13 sang may nag abot sa apartment sini kag ginsugat siya sang itom nga kotse kag halin sadto wala na makabalik pa.
Ginapanawagan sa kon sin-o man ang nakakita sa iya palihog palab-ot sa ila tungod nagakabalaka na gid ang pamilya.
Magahatag sang P50,000 nga reward ang pamilya sa kon sin-o man nga makatudlo sa ginahamtangan subong ni Rommel.
Palihog lang mag kontak kay Rolina Canchela sa mga masunod; 09357223174/09083869269.
