Dead on arrival sa Sara District Hospital ang isa ka maestro nga ginkilala kay Hector Articuna, 56 anyus, residente sang Bgry. Culasi, Ajuy, Iloilo matapos mabungguan sang Ceres bus ang trisikol nga iya ginamaneho.
Suno sa imbestigasyon ni P03 Joey Lauron sang Ajuy PNP, natabo ang aksidente sa Brgy. Malayuan, Ajuy alas 11:45 kaina sang udto. Magapadulong kontani ang Ceres bus sa banwa sang Balasan samtang pabalik sa Brgy. Culasi ang biktima sang sila ang nagbunggu-anay.
Nag-overtake si Articuna sa van nga ginasundan apang wala niya matalupangdan ang nagahagunos nga bus sa iya atubangan rasun nga head on collision nga sumampok ang trisikol sa ulo sang bus.
Facebook Comments
