Dakup ang mag-abyan nga anay mga Overseas Filipino Workers sa ginhiwat nga buy bust operation sang kapulisan sa barangay Sta. Filomena, Arevalo.
Ginkilala ang mga subject nga sanday Mark Anthony Berlin sang barangay San Nicolas, Oton, anay OFW gikan sa Oman kag si Dondi Boy Salmon sang barangay San Jose, San Miguel, Iloilo nga isa man ka anay OFW gikan sa Singapore.
Narecover sa mga ini ang isa ka bulto kag lima ka magagmay nga sachet sang suspected shabu nga ginabanta nagabalor sang 60 mil pesos .
Narecover man sang kapulisan ang buy bust money nga 1,600 pesos, lakip na ang duha ka cellphone sang mga subject.
Suno sa Arevalo PNP nga naghalin pa sa siyudad sang Bacolod ang supply sang mga subject kag tuyo nga ibaligya sa siyudad sa palaabuton nga Paraw Regatta festival.
