Davao City – Mireklamo sa Tugbok PNP ang duha ka mga lalaki human kini gibunalan og botilya sa likod nga bahin sa duh ka mga hubog.
Ang mga complainant mao sila si Jose Estriba Gocotano, 58 anyos ug si Genelito Salasb Gocotano, 25 anyos residente sa Purok 5 Bago Oshiro Tugbok ning syudad.
Samtang ang mga suspek mao sila si Aj Dimatira ug si Christopher Redondo nagapyo sa Barangay Sto. Niño relocation Mintal ning siyudad.
Sa rekord nga nahipos sa Tugbok PNP, bandang alas-10 sa kagabhion, milabay ang mga suspek sa mga respondents ug nag saba-saba.
Sa dihang gibadlong kini ni Genelito tungod adunay bata nga natulog nasuko ang mga suspek ug gibunolan og botilya ang likod nga bahin sa maong lalaki.
Sa kagubot nga nahitabo dali nga migawas ang amahan ni Genelito nga si Jose apan ayha pa niya ma rescue iyang anak gibunalan na kini ug botilya igo sa iyang likod ng bahin sa usa pa ka suspek hinungdan sa pagkasamad usab sa likod sa complainant.
Daling gidala sa SPMC ang samaron samtang ang mga suspek dali usab misibat sa wala pa matino nga direksyon nga kasamtangan nga ginapnagita karon sa mga kapolisan.
Ang mao nga kaso gi refer una ngadto sa barangay level.
RadyoMaN Paul Canono
