Davao City – Patay diha diha ang mag-amahan human gidasmagan sa usa ka sakyanan nahitabo alas-9:30 ang takna adlaw’ng Lunes sa gabie sa may Brgy. Sta. Maria, Nabunturan, Compostela Valley.
Ang mga biktima giila nga sila Zaldy Panerio, hamtong ang paniugon, ug anak niini nga si alyas Angel, estudyante, minor de edad, pulos residente sa Prk. 3 Brgy. Cabidianan, lungsod sa Nabunturan.
Base sa report nga nahipos sa kapulisan, nasayran nga ang mga biktima sakay sa motor nga Honda XRM gikan sa Brgy. Poblacion diin kalit kini nga gibanggaan sa sakyanan nga gimaneho sa wala mailhing driver hinungdan nga natumba ang motorsiklo ug sa ka grabe sa impact miresulta sa hinanaling kamatayon sa mga biktima.
Subay niini, nanawagan karon ang kapulisan ngadto sa publiko nga muhatag og testimoniya alang sa pagkasikop sa miikyas nga suspetsado.
RadyoMaN Juls Catisay
