Usa ka pagpamusil ang nahitabo niadtong adlawng martes didto sa brgy. Calucap, lungsod sa Salug. Ang mga biktima naila nga sila si Rodnie Sandig, 23 anyos, u gang iyang amahan nga si Roberto Sandig, 49 anyos, pulos kini sila residente sa nahisgutan nga barangay sa unahan.
Samtang sa gihimong makuting imbistigasyon sa kapulisan adunay mga person of interest nga sila si George Sua, Dodoy Sua ug Ranel Sua, pulos kini sila taga brgy. Limbonga, lungsod sa Godod ug lain pang duha ka wala mailang indibidwal ang misulod kini sa panimalay sa biktima ug sa walay daghang pangutana ang mipusil kini sa mga biktima gamit ang kalibre 45 ug 9mm.
Ang biktima nga si Rodnie nakaangkon ug duha ka samad pinusilan sa iyang lawas ug dali kining gidala sa balay tambalanan samtang ang amahan nga si Roberto nakaangkon ug samad pinusilan ug tinigbasan sa iyang kalawasan nga mao’y mitsa sa iyang kamatayon.
Ang kapulisan sa Salug, naghimo pa ug imbistigasyon aron masayran kun unsay tinuod nga hinungdan sa nahitabong pagpamusil.
