HIMAMAYLAN, NEGROS OCCIDENTAL – Pilason ang mag-amay matapos nabiktima sang hit and run kagab-i sa ciudad sang Himamaylan.
Nakilala ang mga biktima nga sanday Rodolfo Lampes Sr., 70 anyos ang edad kag Rodnel Lampes, 14 anyos, driver sang trasikad kag lunsay pumuluyo sang Brgy. Su-ay, Himamaylan.
Ang insidente natabo pasado las 9 kagab-i kon diin manugpauli na kuntani sa ila balay ang mga biktima sakay sang ila transikad.
Apang hinali na lamang ini sila nga nabungguan sang isa ka van nga wala nagpundo matapos niya nadalasa ang mga biktima.
Una nga gindala sa Himamaylan District Hospital ang mag-amay apang sang ulihi ini sila ang ginsaylo naman sa isa ka ospital diri sa ciudad sang Bacolod./dyHB BACOLOD
Facebook Comments
