Mag-amigohay nga hubog naghagaday nga magbakal pa sang ilimnon, wala ka lab-ot sa tiangge naglampusanay bato, isa patay

25

Patay bangud sa patal nga lampos sang bato sa iya nga ulo ang 23 anyos nga si Vincent Flores sang Sitio Mahayag, Barangay Dancalan, Ilog mga las 8 kagab-i, Disyembre 6.

Ginkilala ang suspek kay Genesis Villaruz, 27 anyos sang nasambit man nga lugar.

Sa imbestigasyon, upod inom ang duha kag sang naubos na ang whisky, naghagaray ini sila liwat nga magkadto sa tyangge kag magbakal pa kuntani sang isa pa ka botelya.


Samtang nagalakat, wala pa kaabot sa tyangge nangin mainit ang pagba-isay sang duha tubtob nga nanginit ang suspek kag nagkuha sang bato nga amu naman ang ginlampos sa ulo sang biktima.

Gindala pa sa Lorenzo Zayco District Hospital sa Kabankalan City si Flores apang ginbawian sang kabuhi.

Detinado naman ang suspek nga si Villaruz sa custodial facility sang Ilog PNP.



[image: image.png]

Facebook Comments