Davao City – Angol ang usa ka driver nga si Vito Catad, hingkod ang edad, empleyado sa gobyerno, kauban ang iyang angkas nga asawa nga si Marjorie Catad human nibanga ang ilang gisakyan sa laing motorsiklo nga gidrayban sa usa ka Francis Delgado, 40 anyos, nagpuyo sa Purok 21 Bago Aplaya, Davao City.
Sa imbestigasyon nga gilusad ni Leo Sagado sa City Transport and Traffic Management Office (CTTMO), alas 6:15 natigayon ang vehicular accident diin matud pa samtang nagdagan ang duha ka mga motorsiklo sa may Bypass Road Bangkal padulong sa downtown kalit nihunong si Delgado duol sa pedestrian naatlan nga naka red signal ang traffic light hinungdan nga nabangaan sa nagsunod nga si Catad.
Daling gitabang sa 911 ug gidala sa Southern Philippines Medical Center (SPMC) ang mag-asawang Catad samtang si Delgado wala maangol atol sa disgrasya gani ang duha ka mga single motorcycle giturn-over na sa Talomo PNP.
RadyoMaN Don Pulayao
