Mag-asawa ha Tacloban, nagbaligya hin shabu, arestado

TACLOBAN CITY – Arestado an mag-asawa nga nababaligya hin shabu ha ginbuhat nga buy-bust operation ha PDEA Region 8 ha Brgy. 104 Salvacion, Tacloban City.

Ginkilala an mga suspek nga hira Randy Quero, usa nga Brgy. Tanod, 33 anyos, nga residente han Brgy. 104 Salvacion ngan an asawa hini nga hi Marife Quero, 26 anyos, nga residente gihapon han mao nga lugar.

Nakumpiska ha mag asawa an 6 ka sachet nga gin-aaligar shabu nga may kabug-at nga 3 ka gramo ngan may estimated value nga 15,000 pesos, drug paraphernalia, ngan usa nga armas nga may live ammunitions.


An mga suspek in papasakahan hin kaso ha pagtalapas han section 5 (sale of dangerous), section 11 (possession of dangerous drugs), section 12 (possession of drug paraphernalia), article II han RA 9165, ngan pagtalapas ha RA 10591 o an illegal possesion of firearms and ammunitions.

An mga suspek in temporaryo na nga nakapaslak ha PDEA RO8 detention facility.

Facebook Comments