Siocon, ZDN -Nadakpan na kagahapong adlawa ang person of interest nga mitigbas sa usa ka 46 anyos nga lalaki didto sa may Sitio Baluno, Brgy. Makiang, lungsod sa Siocon, sakop ning probinsya sa Zamboanga del norte niadtong adlawng Lunes.
Kahinumduman nahitabo ang maong pagpanigbas gamit ang lampas mga 9:15AM kapin kun kulang, kinsa ang biktima mao si Edgar Labisores, residente ra usab sa nahisgutan nga barangay sa unahan.
Sa gihimong pag imbistiga ni SPO3 Eduardo P. Calasang nasayran, ang biktima ug iyang asawa medyo nagkalalis kini sulod mismo sa ilang panimalay,ug sa dihang kalit lang miabot kini si Noriel Oton alyas “Nonoy” kinsa silingan ra usab nila. Kalit nalang matod pa kini nanigbas ngadto sa biktima sa walay igong hinungdan maayong pagkatabas sa tuong bahin sa paa sa biktima, dali ra usab kining gidala sa balay Tambalan.
Dali nga miikyas ang person of interest, hinuon dako usab ang pasalamat sa biktima kay sa wala madugay nahulog ra usab kini sa kamot sa mga tinugyanan sa balaod human naghimo ug manhunt operation ang PNP salug.
Ang dinakpan hayan nga mag atubang kini sa kasong frustrated Homicide kun ugaling mapamatud-an sa salaod nga iyang nahimo.
