Polanco- Sikop ang mag-asawa didto sa sitio Sicot, brgy Dasullan, sakop sa lungsod sa Polanco human nagpahigayon ug operasyon ang kapulisan sa maong lungsod sa pagpanguna sa ilang hepe nga si PCI Alejandro Tiba Trabadillo.
Kahibaloan nga nasikop sa kapulisan sila si Johnny Bebora Alaman, 41 anyos, usa ka mag-uuma uban sa iyang kapikas nga si Jolicar Bebora Alaman, 38 anyos, molupyo sa nahisgutan nga barangay niadtong miaging adlaw, 7:30AM.
Nasikop kini sila pinaagi sa warrant of arrest nga bitbit sa mga tinugyanan sa balaod, gikan sa hawanan ni Judge Ric S. Bastasa sa 9th Judicial Region, Branch 8, Dipolog City penetsahan ug Enero 8, 2018.
May kasong Estafa(4 counts) ilawom sa article 315(1) sa kodigo penal, samtang adunay ge hanyag nga pyansa ang korte sa kantidad nga P70,000mil alang sa ilang temporayong kagawasan.
Ang mga dinakpan tanggong pa una sa balay bilangguan alang sa tukmang disposasyon.
