Report ni: Jennifer Palomo Debaja
Liwat nga gina paandaman ni Labour Attache Jalilo Dela Torre ang publiko nga “WALA” sang legal nga ubra para sa mga Filipino domestic helpers sa Russia.
Ini nga pahayag nangin sirang plaka sa madamu nga naga handum mag cross country sa Russia kag Europe apang sang damlag lang natapna naman ni Labatt Dela Torre ang pag pang deploy kuntani sang ginkilala nga illegal recruiter couple nga sanday Jon Ameer kag ang Filipina partner sini nga si Kathleen Pimentel sa bulig man sang ila mga biktima sa Moscow.
Nahibaluan nga may ara interview nga hiwatun si Pimentel sa mga aplikante nga naka schedule Oct.20 ~ 23 apang gin alerto sang mga biktima si Labatt Dela Torre. Gilayon man nga nag post sang paandam sa FB ang labor official sa illegal nga modus ni Kathleen Floresca Pimentel alyas Samantha Kaythe kg sang Moscow based nga partner sini nga si Jon Meer Ahmed Sameer alyas AmirAhmed Waseem.
Bangud sa madasig nga aksyon ni Labatt Dela Torre, dali dali nga nagbalik sa Moscow si Pimentel agud mag panago na ini.
Apang ang aksyon ni Labatt Dela Torre nagtulod kay Sameer nga balusan ang opisyal paagi sa pag padala sang mga rude and vicious messages kag pag hack sang isa sa FB account sini kag gin ilisan ang ngalan ni Labatt Dela Torre sang SCAMMER .
Base sa panaysayon sang pila sang ila biktima, naglab ut sa HK$ 27,230 dollars ang ila gin bayaran kay Sameer. Nagabatun man ini sang US$2,500 dollars sa mga aplikante nga indi maka bayad sang full para lang maisyuhan ang sang ” invitation “nga amu ang basehan para matagaan sang Russian visa ang isa ka aplikante. Ang kulang nga balayran gina pabayran sa sulod sang 3 ka bulan kon ara na sila sa Russia.
Ang masakit, na eksperensyahan sang indi makabayad nga gub on o gunting guntingon ni Sameer ang passport sang mga ini. Nangin biktima man sang maltreatment kg sexual harrasment kay Sameer kg verbal abused naman halin kay Pimentel ang kadam an sang mga pinay.
