TACLOBAN CITY – Patay an mag-asawa matapos masunog an doctor residential building nga gintatag-iyahan han Adventist Hospital ha P-4 Brgy. San Policarpo Calbayog City, Samar mga alas 3:00 han kaagahon kakulop, August 31.
Subay ha report han Police Regional Office 8, ginkilala an mga namatay nga biktima nga hira Pacifico Maypa, 60 anyos, usa nga medical doctor, residente ha Iloilo; Delie May Maypa, 57 anyos, usa nga nurse ngan residente ha Ozamis City.
Nagawas ha inisyal nga imbistigasyon, waray na makagawas an mag-asawa ha ira kwarto han nasabi nga building han tigda nga maglarab an kalayo.
Medical missionaries han Adventist hospital an duduha ha sakob han walo (8) katuig.
Nagpa-Calbayog hira dida han November 2018.
Nakagawas naman dayon an 13 katawo tikang ha sakob han building.
Ginpapanginano pa ha pagka yana han Bureau of Fire Protection (BFP) kun ano an hinungdan han sunog.
