Tampilisan, ZDN-Upat ka mga indibidwal ang nalaang sa kapulisan sa Tampilisan uban sa taga PDEA Zamboanga del norte human sila naghimo ug buy-bust operation didto sa Boarding House nga iya ni Vicque Adriano, 50 anyos nahimutang sa may Purok Verbina Pob. Tampilisan.
Arestado sila si Mike Laya, taga Purok Sandayong Veterans, Ipil, Zamboanga Sibugay; Mamitua Abualas, taga Purok Malipayon, Upper Taway, Ipil, Sibugay; u gang mag-asawa nga sila Jimaa Askalon ug Mansol Askalon pulos residente sa Upper Pangi, Ipil Sibugay.
Akto kini silang nasapon sa kapulisan nga nagbaligya ug drogang Shabu.
Nakuha sa ilang posisyon ang ubay-ubay nga mga paketeng adunay sulod nga white crystalline substance nga gituohang Shabu, drug paraphernalia armas nga calibre .45 ug mga buhing bala lakip na ang gigamit nga buy-bust money mokantidad sa P500.
Ang mao nga mga dinakpan anaa na gipaslak sa tampilisan MPS ug atubangon ang kasong gipasaka may kalabutan sa R.A 9156 kun dangerous drug act of 2002 ug R.A 10591 kun illegal possession of FAs.
