Patay ang mag-bayaw matapos bumunggo sa nakasugata nila nga pick-up ang ila motorsiklo sa barangay Tabucan, Cabatuan, Iloilo sang nakaligad nga dominggo sang hapon.
Ginkilala ang mga biktima nga sanday John Porras, 30 anyos sang Barangay Ungka, Jaro kag ang bayaw sini nga si RJ Escotenia, 30 anyos sang Barangay Bantayan, San Enrique, Iloilo.
Natabu ang insidente alas 5 sang hapon sang dominggo samtang nagasakay sa motorsiklo ang mga biktima gikan sa banwa sang Janiuay pakadto sa siyudad sang Iloilo kon sa diin nakigkarera sila sa isa pa ka motorsiklo.
Subong man, pag-abot sa may taytay sa barangay Tabucan Cabatuan, nasugata nila ang isa ka pick-up nga ginamaneho ni Leopoldo Banquillo Jr. kon sa diin natabu ang head on collission.
Pareho nga dead on the spot ang duha ka biktima bangud sa mga patal nga pilas nga ila naagum. (sspunay)
