Davao City – Wala damha sa duha ka lalaki nga sila Rene Embad ug Elvin Pislan, pulos hamtong ang pangidaron ug nagpuyo sa Bajada, syudad sa Davao nga musangko sila sa Southern Philippines Medical Center (SPMC), human nakaangkon og samad-dinunggaban sa dihang giluba sa ilang kainom sa El Rio, Bacaca, Davao City, alas 11:50 sa kagabhion.
Nakig-inom ang duha aron unta maglingaw-lingaw kuyog sa ilang ka-tropa, apan wala nila damha nga giplanohan na diay sila og daotan sa wala nganli nga mga suspek.
Usa sa mga suspek ang mibunlot og mahait nga hinagiban ug kalit gipangluba silang Rene ug Elvin sa nagkadaiyang parte sa lawas. Maayo nalang kay dali silang nadala sa SPMC, samtang mga suspek paspas usab nga nakasibat.
Padayong ginasuta sa kapulisan sa Buhangin ang ugat-hinungdan sa nasampit nga panghitabo.
RadyoMaN Joel Viray
Facebook Comments
