Mag-Ig-Agaw nakuhaan og kapin P1M kantidad sa shabu, nasayrang Drug User sa ilang lugar

Davao City – Mas gipalawman sa kapulisan sa Sasa ang gihimong imbestigasyon nga posibleng adunay kauban ang mag ig-agaw nga dayo, human nakuhaan og dakong kantidad sa gituohang illegal nga druga, alas 5:30 sa hapon March 15, 2025 sa Don Julian Street, Km. 9, Brgy Sasa, Davao City.

Sa interbyu sa DXDC RMN Davao kang Police Major Marcille Manzano, hepe sa Sasa Police Station gisulti niya, kining si alyas ‘Harvey’, 34 anyos, kauban ni Jonnah 30 anyos, ang nadakpan nga nailhan na nga nagagamit og shabu sa ilang lugar, apan wala kini nalambigit sa pagpamaligya sa illegal nga druga.

Segun ni Manzano, gina-imbestigahan usab ug ginapangita na ang ilang mga kauban nga posibleng konektado sa pagpayuhot sa ginadili nga druga.

Gidugang sa opisyal, karong adlawa ipasaka sa kapulisan ang kasong kalapasan sa Section 5, ilawom sa Republic Act RA 9165 kun Comprehensive Dangerous Drugs Act of 2002 batok sa duha ka dinakpan.

Kahinumduman, nadakpan ang mag-ig-agaw pinaagi sa gipatuman nga random checkpoint sa maong lugar sa dihang nadiskobrehan nga dunay nakit-an nga tulo ka managlahing sachet nga gituohang shabu nga motimbang og 149.8 grams ug mokantidad og P1,014,424 ang nakuha, gikan sa sulod sa kotse nga gisakyan sa mga suspect.

RadyoMaN Don Pulayao