Sa interbyu sa DXDC RMN Davao kang Police Senior Master Sergeant (PSMS) Roel Neri, inbestigador sa Montevista Municipal Police Station (MPS), giila niini ang biktimang namatay nga si Jessa Cagape, 26 anyos, ug angol ang ig-agaw niining si Ainsley Kinn Cagape, 36 anyos, taga Maparat, Compostela, Davao de Oro.
Saysay sa inbestigador nga padulong Saint Peter Funeral ang mag-iagaw aron paaboton ang patay’ng lawas sa ilang lola nga bag-o lang nipanaw. Pag-abot sa lugar kung asa nahitabo ang insidente, kalit lang nabanggan ang ilang gisakyang motor sa nagsunod nga bongo nga gimaneho sa usa ka Jonel Bagaforo, taga San Isidro, Davao Oriental.
Matud sa drayber sa Bongo, wala niini nabantayan nga duol na diay siya sa gisundang motorsiklo hinungdang nabanggaan.
“Amin naman niya (driver sa Kia Bongo) nga wala niya nabantayan nga naa diay sa duol na. Gi-try niya og maneuver pero wala, naigo gyud niya ang motor,” saysay ni Neri.
Nakahiagom og fracture sa walang tiil si Ainsley Kinn. Samtang gideklarang patay si Jessa sa Montevista Provincial Hospital alas 11:37 sa buntag diin kini nagrabehan human siya napasok ilawom sa sakyanan.
Kasong Reckless Imprudence Resulting to Physical Injuries and Homicide ug Damage to Property ang atungon sa driver sa Bongo nga anaa na karon sa kamot sa kapulisan.
Pahinumdum sa awtoridad sa mga motorista nga kanunay nga mahimong alerto sa dalan ug siguradohong kondisyon ang sakyanan ug ang kaugalingon una mobiyahe.
RadyoMaN Kirby Manzon
