Davao City – Nagpatabang sa Buhangin PNP ang mag igsuon aron ipadakop ang duha ka lalake nga mikulata kanila sa walay igong hinungdan alas-7:30 sa kagbhion.
Sumala sa mga biktima nga sila Chenee Rogers, 25 anyos ug Gerard Rogers, 19 anyos, pulos nagpuyo sa Rosal St.Mahayag, Buhangin nga samtang nagbaktas sila sa Zone 1, San Vicente kalit na lamang sila giharangan ug gibun-og sa duha ka lalake sa walay igong hinungdan.
Sa mao nga sumbong, gilayon giaksyonan sa kapulisan diin subay sa imbestigasyon nailhan ang mga suspek nga mao sila Alyas Dodong Octabiano Sr, ug Dodong Octabiano Jr.
Pursigido ang magsoong biktima nga muduso og kasong pagpangulata batok sa mag-amahang suspetsado kinsa gisubay na karon sa kapulisan ang ilang pinuy-anan aron sayron ang hinungdan sa ilang gibuhat ngadto sa mga biktima.
RadyoMaN Joel Viray
