Balete, Aklan — Patay rong mag-ina matapos nga inigo it kilat kahapon it hapon sa Sitio Kil-ohan, Fulgencio, Balete, Aklan.
Ro biktima nakilaea kay Gina Inocencio, 41-anyos ag ro anang Grade 4 nga unga.
Suno kay Police Chief Master Sergeant Jerick Dadivas it Balete PNP nga kahapon it hapon hay nag guegae om sa lugar ag do rayang misis hay may anda nga laton nga tipunan it tubi uean sa guwa ag bangud may patimaan nga mauean anang gin sag-ob ro sueod ko laton.
Samtang idto imaw sa guwa hay sumunod ro anang unga ag natamaan man nga kumilat, umigo raya sa poste ko andang antenna it telebesyon ag tinamaan man ro mag ina.
Gintinguha pa nga madaea it mga nagrespondeng kapulisan ag Mdrrmo Balete sa hospital rong mag ina pero gin deklara nga dead on arrival.
