Davao City – Nadakpan sa kapolisan Sta. Ana PNP ang usa ka inahan ug anak niini human nakuhaan og shabu atol sa gilusad buy-bust operation natigayon alas 12:02 sa gabie nahitabo sa Purok 8 Brgy. 31-D, Quezon Boulevard, siyudad sa Davao.
Sa report gikan sa Sta. Ana PNP, naila ang mga dinakpan nga mao sila si Carlos Cabaltera, alyas Boy Negro, 23 anyos, ug Melissa Cabaltera, 48 anyos, pareho nagpuyo sa nahisgutang lugar.
Sumala pa sa dihang gikasa ang buy-bust operation sa nahisgutang lugar, usa ka sakop sa police nga si Police Officer 2 Ponteras ang nagpakaron-ingnon nga poseur-buyer gamit ang P500 nga buy-bust money ug napalitan kini sa usa ka elongated transparent heat-sealed plastic sachet apan wala kini kabantay nga ilang gikatransak mao ang mga police hinungdan sa ilang pagkasikop.
Narekober gikan sa dinakpan ang laing usa ka sachet nga gituohang shabu lakip ang black leather nga coin purse ug buy-bust money.
Ang duha ka dinakpan balhug na sa selda sa Sta. Ana PNP ug gihikay na sa kapolisan ang kasong kalapasan sa R.A. 9165 kun comprehensive dangerous drugs act of 2002 aron mafile ngadto sa korte.
Sa pikas bahin, gidut-an na og kaso sa Sasa PNP ang usa ka drug pusher pinaagi sa inquest proceeding sa buhatan sa piskalya human nadakpan sa gikasa nga buy-bust operation.
Kalapasan sa Section 5 ug 11 sa Article 2 sa Republic Act 1965 kun comprehensive dangerous drugs act of 2002 ang gipasaka batok kang Romil Ramada, 42 anyos, ulitawo, ug nagpuyo sa Purok 26, Cawayanan Timog, Brgy. Madaum, Tagum City.
Kahinumduman, giposasan ang suspek human namaligya kini og shabu sa pulis nga nagsilbing poseur buyer atol sa joint anti-drug operation sa Sasa PNP, Tagum City Police, ug PDEA 11, sa iyang pinuy-anan mismo alas 5:15 sa kahaponon.
Nakumpiska gikan kaniya ang medium ug big size sachet sa gitouhang shabu, cellphone, ug 100 pesos nga mark money.
Nasayran nga dili lang sa pipila ka barangay sa tagum city nagpayuhot og druga ang suspek apan miabot usab sa Sasa area.
RadyoMaN Don Pulayao / RadyoMaN Joel Viray
