Davao City – Na-trap ug wala na nakagawas pa ang mag-inahan human gilamoy sa kalayo ang ilang panimalay sa Prk. 1 Sampaguita, Brgy. Tibanban, Governor Generoso, Davao Oriental niadtong July 10, 2024 hinungdan sa ilang hinanaling kamatayon.
Kana ang gikumpirma ni PSSg. Owen Zaragosa, ang assistant investigator sa GovGen Municipal Police Station sa interview sa DXDC RMN Davao.
Ang mag-inahang nakabsan sa kinabuhi giilang sila Analen Ongcoy, 52 anyos ug ang anak niining si Liza Mae Ongcoy, 18 anyos.
Sa imbestigasyon, kapin ala una sa kadlawon miulbo ang sunog ug posibleng tulog na ang duha ug napalong ang kalayo kapin alas 3 na.
Post usab sa kabanay nga si Relleta Napuli nga brownout matud pa niadtong tungora ug pagbalik sa kuryente, makita sa CCTV camera nga adunay mi-spark sa ilang panimalay.
Sa karon, gipanubayan gihapon sa Bureau of Fire Protection (BFP) ang hinungdan sa maong sunog nga una nang gikatahong tungod sa electrical ignition.
RadyoMaN Ivy Parido
Facebook Comments
