Cabatuan, Iloilo- Nasapwan nalang nga lunsay may igo sang pagkaluthang sanday Jonathan PeƱafiel, 36 anyos kag residente sang R.Mapa Street, Mandurriao, Iloilo City kag si Michael Malones, 29 anyos sang Magdalo, Lapaz sa barangay Tiring, Cabatuan, Iloilo alas 10:45 kagab-i.
Suno sa pag pangusisa sang Cabatuan PNP nga may nagtawag sa ila kag nag informar nga may ginluthang sa kilid dalan malapit sa talamnan sa barangay Tiring, Cabatuan kag gilayon sila nag responde.
Si Michael Malones ang may igo sang pagka luthang sa iya wala nga li-og, 3 ka igo sa dughan, kag 2 sa tuo nga kamot samtang si Jonathan PeƱafiel naman ang may 2 ka igo sang pagkaluthang sa dughan, isa sa kamot, agtang kag wala nga portion sa likod sang abaga.
Wala pa mahibalu- an ang motibo sang insidente kag padayon ang pagpangita sang kapulisan sa ginapasuni pick up nga gray nga gingamit sang mga suspek sa pag patay sa mga biktima.
