Mag kumparehay, ginpang luthang patay sa barangay Tiring, Cabatuan kagab-i!

146

Nasapwan nalang nga lunsay may igo sang pagkaluthang sanday Jonathan Peñafiel, 36 anyos kag residente sang R.Mapa Street, Mandurriao kag si Michael Malones, 29 anyos sang Magdalo, Lapaz sa barangay Tiring, Cabatuan alas 10:45 kagab-i

Suno sa pag pangusisa sang Cabatuan PNP nga may nagtawag sa ila kag nag informar nga may gin luthang sa kilid dalan malapit sa talamnan sa barangay Tiring, Cabatuan kag gilayon sila nag responde.

Si Michael Malones ang may igo sang pagka luthang sa iya wala nga li-og, 3 ka igo sa dughan, kag 2 sa tuo nga kamot samtang si Jonathan Peñafiel naman ang may igo sang pag ka luthang 2 sa dughan, isa ka kamot, igo sa agtang kag wala nga portion sa likod sang abaga.


Wala pa ma hibalu- an ang motibo sang incidente kag padayon ang pag pangita sang kapulisan sa gina pasuni pick up nga grey nga gin gamit sang mga suspek sa pag patay sa mga biktima.

Facebook Comments