Davao City – Kapin 200, 000 kantidad sa gituohang shabu ang nakuha gikan sa live-in partner atol sa gikasang buy bust operation sa San Pedro Police Station nahitabo sa Purok 8, V. Mapa Street, Brgy. 12-B, Bajada, Davao City.
Sa report gikan sa Presinto Dos, naila ang mga dinakpan nga sila Armando Christopher Macasaet alias Perper, 35 anyos ug Samantha Fritz Atillo Jean Jaquet alias Manting, 20 anyos parehong residente sa Purok 5, Quezon Boulevard, Brgy. 37-D ning syudad.
Sumala pa malampusong napalitan ug usa ka sachet nga shabu ang duha ka dinakpan kambiyo ang P1, 000.00 buy bust mark money.
Gawas sa shabu nga narekober sa kapulisan gikan sa posisyon sa dinakpan ang .22 revolver nga dunay upat ka bala lakip nakumpiska ang usa ka unit color red MG Morris Garage SUV nga maoy gigamit sa ilIgal nga transaksyon.
Subay sa monitoring sa kapulisan nga ang duha ka nadakpan gikonsidera nga Street Value Targets kinsa karon sila balhug na sa prisuhan ug mag-atubang og kasong kalapasan sa R.A 9165 (Comprehensive Dangerous Drugs Act of 2002).
RadyoMan Don Pulayao
