Arestado ang mag-live in partner nga nagaserbe care taker sang balay sang isa sa mga drug personality sa barangay Bakhaw, Mandurriao nga si Ddnie Jimena matapos ginpaidalum ang mga ini sa buy bust operation sang Mandurriao PNP.
Detain karon sa lock up cell sang Mandurriao Police Station ang mag-live in nga sanday Alejandro Mendoza, 54 anyos kag Lovely Bacuyani, 30 anyos.
Ginpanginwala naman ni Mendoza nga nagagamit kag nagabaligya sila sang Illegal nga druga.
Suno sa iya nga nakibot na lamang siya sang ginsulod sila sang mga pulis .
Ginpahayag sini nga nagapasada lamang siya sang jeep kag wala nagaduso sang ilegal nga druga.
Suno sa iya nga sila lamang sang iya live-in ang ginpatawo sa balay ni Jimena apang wala sila sang kahilabtanan sa pagbaligya sang illegal drugs.
