Gipaslak sa bilangoan ang duha ka manag live-in partner human nga nasikop sa gipahigayon nga drug buy bust operation sa kapulisan alas 9:30 ang takna kagabie sa Purok 9 Tibanga ning dakbayan sa Iligan.
Ang mga suspetsado nailang si Julius Rosario, 39 anyos ug ang ka live-in niini nga si Rena Sumagang 44 anyos ug usa ka manicurista lumad nga taga Sominot Zamboanga del Sur .
Ang maong mga suspetsado giila isip Newly Identified drug personality nga maoy subject sa nasangpit nga operasyon.
Napalit gikan sa maong mga suspetsado ang usa ka gamayng sachet sa gituohang shabu, ug nakuha sa possesion niini ang laing dako nga pakete sa gituohang shabu lakip na ang 500 pesos nga marked money .
Samtang nakuha usab gikan sa ka live-in niini nga si Rena, ang usa medium size nga plastic sachet nga gituohang shabu, ug usa ka large size nga shabu.
Ang mga drug evidence nga nakuha sa kapulisan ang giturnover kini sa PNP crime lab alang sa forensic examination.
Kasong paglapas sa RA 9165 ang atubangon sa mga drug pusher.
