Laing insidente na usab sa pagpanulis diin ang biktima mag live-in partner nga nahitabo didto sa Sitio Kiongkog, Brgy. Palabucan lungsod sa Libona, Bukidnon.
Sa imbestigasyon sa kapulisan nasayran nga samtang sakay sa ilang motorsiklo ang mga biktima nga sila Irish Malinao, 24 anyos ug lumulupyo sa nasangpit nga dapit, kauban ang live in partner niini nga nailang usa ka Paul Olango, 19 anyos taga Purok 1, Capehan, sa mao nga lungsod, pag-abot sa Pineapple Field sa Sitio Kiongkog, duha ka wala mailang suspetsado nga naka-face mask nga adunay dalang shotgun ug .38 kalibre nga pistola ang mibabag dungan pagtion sa biktima ug nideklara ug tulis.
Nakuha sa mga tulisan ang salaping cash nga muabot ug 5 mil pesos , lakip ang usa ka cellphone sa mga biktima samtang daling nisibat sa wala matinong direksyon ang mga suspek.
Sa kasamtangan, padayon ang imbestigasyon sa kapolisan sa pag-ila sa mga suspetsado aron maila kini ug madakpan. (Rino Taguibulusan)
