Davao City – Nagpatabang sa kapulisan si alyas Bobong, 32 anyos, taxi driver, nagpuyo sa Barangay 76-A Bucana, Davao City human gibugno sa iyang live in partner nga si alyas Marlyn 33 anyos samtang nagdagan ang iyang taxi nga gimaneho.
Sa blotter sa Talomo PNP, mitambong ang duha sa usa ka birthday party sa barangay Mintal ug nakahukom nga manguli na aron motambong sa Misa de Gallo alas 2:00 sa kaadlawon.
Samtang nagdagan ang taxi nagkalalis ang duha kay pulos naka inom hangtud nga gipanglangkat ni alyas Marlyn ang metrohan sa taxi sa iyang ka live in.
Nihuboy ang tuong mata ni alyas Marlyn human maigo sa kunumo ni alyas Bobong.
Ang duha parehong gipaslak sa prisohan sa Talomo Police Station kay mireklamo ang management sa taxi batok kang alyas Marlyn ug si marlyn gireklamo usab ang iyang taxi driver nga kaipon.
RadyoMaN Erin Lumosbog
