CAUAYAN CITY – Sa kulungan ang bagsak ng mag-live in partner matapos ang isinagawang drug buy-bust operation ng kapulisan ng Cabarroguis Police Station.
Kinilala ang babae bilang si alyas “Berta”, 32-anyos, at residente ng Alfonso Lista, Ifugao habang ang kanyang kinakasama ay si alyas “Pado”, 24-anyos, isang laborer, at residente ng Diffun, Quirino.
Sa operasyon, narekober mula sa mag-live in ang dalawang (2) pirasong plastic sachet ng hinihinalang shabu, buy-bust money na nagkakahalaga ng P1,000, lighter, at motorsiklo.
Ang pagkakaaresto sa mga suspek ay dahil sa pinaigting na kampanya ng kapulisan kontra ilegal na droga.
Samantala, mahaharap sa kasong RA 9165 o Comprehensive Dangerous Drugs Act of 2002 ang mga suspek.
Facebook Comments
