Dako ang pasalamat sa kapulisan sa Mati City sa concerned Barangay Peacekeeping Action Team (BPAT) members nga miduol kaniya ug misumbong nga adunay kadudahang indibidwal sa Purok Centro 1, Brgy. Don Martin Marundan, Mati City, niadtong April 7, 2024 sa gabii.
Sa impormasyon gikan sa Mati City PNP, nasikop sa ilang operasyon ang usa ka babayeng si ‘Alyas Jazz’ ingon man ang kaipon niini ug nakuha sa ilaha ang usa sa armas ug shabu nga gibanabanaang mukantidad og 578,000 o half million pesos.
Ang mga dinakpan ug ang mga nahipos nga ebidensya anaa na sa kustodiya sa kapulisan alang sa tukmang disposisyon.
Mipaabot og pasalamat ang Mati City PNP ngadto sa mga residente sa pagsuporta sa Anti-Illegal Drugs ug Anti-Criminality campaign alang sa kahapsay ug kalinaw sa komunidad.
RadyoMan Ivy Parido
Facebook Comments
