Mag-live in partner nga nagpaluyo sa investment scam, gikasuhan og estafa

GENERAL SANTOS CITY- Gipasakaan na og kasong estafa ang mag-live in partner nga nagpaluyo sa investment scam human nadakpan sa entrapment operation sa San Isidro Police Station.

Nag-atubang na og kaso ang mga suspek ng silang Marvin Vidal, 26-anyos ug Herwil de Lara, 36-anyos nga parehong residente sa Blk. 4, Lot 20, Agan Subd., Brgy. San Isidro.
Una niini, may mitawag sa kapulisan nga usa sa mga investor aron mangayo og tabang ug didto gipahigayon ang entrapment operation ug positibong midawat ang duha ka suspek og kwarta nga P10,000 pinaagi sa marked money.

Butyag sa usa ka investor nga dili tinuod nga nalambigit sa trading asa ang kwarta nga gina-pay out mao pod ang ginahatag sa mga naga-pay in.
Singkwenta porsiento matud pa ang gipasalig nga interest ug aduna pay 70 hangtud 80 porsiento aron maka-engganyo og mga investors.


Apan sukad pa niadtong Hulyo wala na maka-pay out mao nga gipanid-an ang mga nahisgutang founder ug nahitabo ang pag-aresto sa mga nahisgutan.
For more info’s and updates, like and share our official facebook account : www.facebook.com/ifm91.9Gensanofficial/

[image: Mag-live in partner nga nagpaluyo sa investment scam.jpg]

Facebook Comments