Libacao, Aklan – Patay rong babaye ag ninahan rong eaeaki matapos nga mahueog sa istaka samtang naga tuon it pag motor rong babaye kabii sa Brgy. Poblacion, Libacao, Aklan.
Suno kay Mr. Alvin Ore it LDRRMO Libacao nga nakabaton sanda it report nga may natabong aksidente sa lugar ag insigida man ginrespondehan it andang team.
Pag abot sa lugar nakita nanda rong mag nobyo nga nagasandig sa istaka, naga dugo rong ilong ag nagasuka it dugo rong babaye samtang rong eaeaki hay nakaangkon eamang it mga gas-gas.
Nakilaea rong babaye kay certain Lyn-Lyn Sison 17-anyos ag rong eaeaki hay si certain Didoy Esto 25-anyos tanan residente it Brgy. Pampango sa nasambit nga banwa.
Base sa andang pag pangusisa sa lugar, nasayuran nga rayang daywa hay nag motor, ro babaye do naga drive ag angkas rong eaeaki ay ginatun-an it pag motor ugaling pag-abot sa punta it istaka uwa ta kasayod rong babaye nga putoe ro istaka ukon uwa pa natapos rason nga sanda nahueog.
Gina bana-bana nga kapin 6 feet rong nahueogan ko daywa.
Una nga gindaea sa Libacao hospital rong daywa ag ko ulihi gin transfer sanda sa Provincial Hospital para mataw-an it nagakaigo nga pagbueong.
Insigida nga gin ICU rong babaye pero ginbawian man raya it kabuhi samtang rong eaeaki nagapabilin nga confined.
