Kalibo, Aklan — Arestado rong sangka 25-anyos nga eaeaki sa ginpatigayon rong intrapment operation sa Brgy. Jawili, Tangalan kuntra kana ko mga kapulisan matapos nga gin videohan na rong magnobyo nga nagpatigayon it pag sex sa sangka lugar ag gingamit kuntra sa babaye bilang pang black mail.
Sa report nga nabuoe it RMN Kalibo kay PO1 Roga it Ibajay PNP, nga rayang magnobyo hay nagpatigayon it pag sex sa sangka maligwin nga parte it Brgy. Bogtongbato, Ibajay ag natigayon nga naha videohan ko suspek nga si Jayson Castillo ag residente it nasambit nga lugar.
Nahapan-uhan raya ko magnobyo ag andang gin eagas ro suspekag naabutan.
Pagkatapos kara rayang suspek hay nagakinuntak sa babaye ag gina blackmail na nga kung indi makipag sex rong babaye kana hay indi na pag i-delete rong video.
Sa sigidas nga pagpang blackmail it suspek sa babaye, nag report sanda sa Ibajay Police Station ag ginsugid ro natabo.
Dayon nga ginkasa rong intrapment operation ko mga kapulisan, ginpasunod sunoran it babaye ro suspek hasta nga nakaabot sanda sa sangka lodging house.
Tag idto eon sanda sa sueod, hubeas eon ro suspek ag haum eon nga sumukob sa gyera hay naunsyame raya tag magsueod ro mga kapulisan ag gindakop ro suspek.
Sa makaron hay kulong sa lock up cell ro suspek ang magapangatubang it kasong Anti Photo and Video Voyeurism Act of 2009 ag pagbayolar sa R.A. 10175.
